1 Somervilao

Dolcxa regxino estas sxi
De mia vol' kaj del' anim'
En sxia regno tuta mi
Dronigxas plene sen la lim'

Cxu vere plene sen la lim'

Foras deziro kaj la plan'
Pri ies krom la sxia blond'
Kaj krom la mond' de tiu am'
Jam ne ekzistas alimond'

Cxu vere ne ekzistas alimond'

Somera vilao, sufokigaj noktoj
Somera vilao, enuigaj tagoj
Somera vilao, en la teda dormo
Subitas trompa sed allonga songx'
Kvazaux la fatamorgan' por la karavanan'

En sxia regno logxas mi
Sen la deziro de forkur'
Mi amas mian viv' kun sxi
Kaj jam ne volas revi plu

Cxu vere jam ne volas revi plu?
Cxu vere jam ne volas revi plu?


2 Kvazaux Rompita Radio

Hieraux mi auxdis gxin de la cxiel'
Gxi estis la vocxo dolcxa de miel'
Gxi sonis kun ridet'
Dauxre kun ripet'
Mi ne povis movi min
Sed io movis min

Nenion mi sentis tie sen la vocx'
Subite mi sentis min, kia felicx'
Estis ne profet', ne estis sekret'
Neniam mi forgesos la vocxon del' anim'

Kvazaux rompita radio
Ni dancus kun la melodio,
Kiun auxdis ni en komedio
Se nenio gxenus nin
Cxu vi povas, cxu vi povas
Veni tien cxi nun kun ni


3 Mensogo de Honestulo

Jxetu min, savu min,
Unu momenton donu al mi
Kaptu min, lasu min
Liberigu min
Tio estas mia vera honestec'

Movu min, haltu min
Unu sxancon donu al mi
Moku min, lauxdu min
Ne lacigu min

Sed mi volas, ke vi sxangxu min
Malrapide sxangxu min
Estas tre facile neglekti min
Sed mi volas, ke vi amu min
Ne kompatu min
Tio estas mia vera honestec'

Jen por via bon'
Jes ankaux por via mon'
Sed mi neniam mensogis al vi
Tian mensogon mi mensogis


4 Ekiro

Plagxo senhoma, sennuba cxiel'
Plagxo por mi kaj por vi
Ne estas sxtonoj sur varma dezert'
Ne estas limo por gxi

Ni ekiru tien
Ek ni iru tien
Ecx se neniu atendos nin tie
Sed ni atingu tien

Estu mi gxoja en gaja humor'
En la bona veter'
En mia kor' io jam estis for
Sed nun nova esper'

Ni ekiru tien
Ek ni iru tien
Ecx se nenio atendos nin tie
Sed ni atingu tien

Jen nia mond'
Sunplena ond'
Nun samtempe
Palmoj sur bordo radias esperon
Varma suno kreas iluzion
De certeco en la kor'

En mia kor' io jam estis for
Sed nun nova esper'


5 Sentitola

Tempo pasas sen rimark'
Gxi ja pasas lasante min
Ecx kiam mi estus en la park'
Ne kun malbona medicin'

Ho, mia viv',  ho, mia viv'
Dauxru gxis mi savos vin
Ho, mia viv'
Dauxru gxis morgaux
Mia sorto ne bedauxros pri la viv'

Kion povus fari mi?
Mi dauxre staras kun sufer'
Krom viaj vortoj kuragxigaj
Nenio tamen sxangxos min

Ho, mia viv',  ho, mia viv'
Dauxru gxis mi savos vin
Ho, mia viv'
Dauxru gxis morgaux
Mia sorto ne bedauxros pri la viv'

Estas mia vic'
Jam ne kun kapric'
Sensignifaj miaj vortoj
Kaj ankaux mia vocx'
Gxuste auxdigxu nun al vi
Ho, jes
Mia sorto ne bedauxros pri la viv'


6 Gxis Baldaux

Ho, kie estas via kor'
Sxajne vivas en alimond'
Ecx se gxi restas en mia memor'
Kion fari sen respond' ?

Hu, mi estas cxi tie
Mi dauxre vokas vian nomon
Hu, mi estas cxi tie
Jes, mi dauxre vokas vin

Jes, mi scias tempo superas distancon
Brilas via stelo en la sam-cxiel'
Cxu mi dauxre devas teni paciencon
Ecx sen viaj vortoj dolcxaj de miel'

Ho mia kor', ho mia kor'
Flugus al vi
En la rapideco de lum'

Estu pacienca, senpacienculino
Atendu tie, kara, ne forgesu min
Baldaux venos tempo, venos la sunbrilo
Estos nia tempo, jes, ni havu gxin

Nun mi diru, gxis baldaux
Jes, mi diru, gxis baldaux